నేడు శ్రీ కొండపల్లి శేషగిరి రావు గారి 89వ జన్మ దినోత్సవం.

బెంగళూరులో బొంబాయి చూసిన...[A tribute to Mario Miranda]

నవ్విస్తూ.. ఆలోచింపజేసే..

మన చాకలి ఐలమ్మ

నాలుగేళ్ళు టీ.వీ ఫైవ్ లో డిజిటల్ పెన్నుతో చెవిలోగులుం తీసుకుంటూ సైన్మ ప్రమోషన్లకోసం వచ్చే ఇలియానా డెనిం జీన్సు ప్యాంటు బేబీసాఫ్టు అత్తరువాసన పీలుస్తూ..వైవల్ సోపుతో తడిసిన జెనీలియా జఘన ద్రుశ్యాల వైరల్ ఫీవరుతో ..తాప్సీ పెప్సి లిప్పుల సెక్సీచూపుల్లో పడికొట్టుకుపోయి మన చాకలి ఐలమ్మ బ్యూటీనే మరిచి పోయా..
ప్రతి ముడత వెనకాతల దాగిన స్ట్రగులు మడతలను గీయాలనే ఆలోచన వచ్చీరాగానే తొర తొరగా గీసిన బొమ్మిది.

ఊరవతల మామిడితోటలో మా ఊరి పోరగాళ్ళం.

ప్రవీణ్ గాడు,జ్ఞానిగాడు ఫోన్ జేసి "ఉరే మన టెంత్ కిలాసు బ్యాచ్ పోరగాండ్లం కలిసి సెలబ్రేట్ చేసుకుందామనుకుంటున్నాం వస్తావ్ రా?"అనడిగేసరికి గుండెల్లో మా పదోతరగతి రోజులనాటి ఖైదీనెం.786 గువ్వా గోరింకతో ..పాట బిగినింగు డ్రమ్ము మోగింది.పోచంపల్లి ఊరవతల కొంగరిభాస్కర్ మావిడి తోటల మా బ్యాచి పోరగాండ్ల సెలబ్రేషన్ దావత్ ఇంతెజాం చూసే సరికి వైబ్రేషన్ వచ్చింది.ఓ పక్క పాండు గాడి పంచులు..మరో పక్క ఆడిపోరలు ఎందుకు రాలేదని దామోదర్ గాడు ఒహటే గులుగుడు ..సాహేస్ గాడేమో పిలుద్దాంరా మళ్ళీ చేసుకుందాంరా అని ఊకుంచుడే సరిపాయె.
ఇంగ తినితాగి ఇరవై ఏళ్ళక్రితం జ్ఞాపకాలు పంచుకున్నంక, గద్దర్ పాటలకు మా గద్దగాల్ల గంతులకు ..మాయదారి మైసమ్మపాటల తీన్ మార్ల అదుర్లకు తోటలోని మావిడిపిందెలు రాలి కిందపడినయ్..మేము పద్నాలుగేండ్ల పిల్లలమైపోయినం.

"ఇంట్ల పెండ్లాం,బయట బాసే కాదురా,సమ్మచ్చారానికి ఒక్కరోజైనా దోస్తుగాండ్లకోసం కేటాయించుకోవాల్రా..నామటుకు నాకేమనిపిస్తుందంటే నాకు ఉంకో పదేల్ల ఆయుష్శు పెరిగిందనిపిస్తుందిరా !" అన్నాడు సుదర్సన్ గాడు మత్తుకండ్లతో సొలుగుతూ బండి తోల్తా..

[ఈ బ్లాగులోని నా జ్ఞాపకాల పోస్టునొకదాన్ని ప్రింట్లు దీసి మా టెంత్ బ్యాచి పొలగాండ్లకు పంచిపెట్టిన ఇషయాన్ని మళ్ళి ఇక్కడ పోస్టు చేయడం జరిగింది.]

లంచ్ టైముకు గంట ముందే..

తెలుగు పొలిటికల్ కార్టూనిస్టుల్లో మోహన్,సురేన్ద్ర,శ్రీధర్ లు వాడిన శ్లేషలు నా స్కూలుడేస్ లో లంచ్ టైమ్ కు గంటముందే నా కడుపునింపేవి.
సందుచూసుకొని పసందుగా వాడిన పదప్రయోగాలు రంజుగాతోచేవి.
పొగరాయుళ్ళను "బీడితులు"అని మోహన్ వాడినా, "హ్యాట్సాఫ్"కు పేరడీగా "తుండుగుడ్డాఫ్" అని సురేన్ద్ర రాసినా,"మన "మేయరు" అసలేమీ మేయరు" అని శ్రీధర్ అన్నా టేస్టు టేస్టుగా వుండేయి.అందుకే రెండు దశాబ్ధాలు దాటినా "ఉదయం","ఈనాడు" కార్టూన్లు కంఠతా వచ్చే భాగ్యం కలిగింది."పన్"డితులతో కలిసి మాట్లాడే అదృష్టమూ కలిగింది.

ఇక నేను గీసిన ఏ కార్టూనూ నేను చూసుకొని దాచుకొని చూసుకొని మురిసిపోలేదని చెప్పడానికి గర్వపడుతున్నా.ఖమ్మం ,వెస్ట్ గోదారి ,గుంటూర్ నుంచి అభిమానులు పంపిన అటూఇటూగా పదీ,పన్నెండేళ్ళనాటి ఈ నా కార్టూన్లు రిపేర్లు లేకుండా ఇక్కడ పోస్ట్ చేస్తున్నా.

పతంజలి తలపులు....ఒక దెయ్యం ఆత్మకథ

నా బ్లాగులో నేను పెడుతున్న ముచ్చట్లు చూసి సంబూరపడి ఓ పెద్దాయన "పతంజలి తలపులు" బుక్కు ప్రింటింగు మధ్యలో ఆపేసి నా బ్లాగు లింకు అందగానే అచ్చేసి వజను అనుకోకుండా డజను కాపీలు తెచ్చిచ్చెళ్ళాడు.
సరసమైన ధరలకు "పతంజలి తలపులు" కావాలనుకునేటోళ్ళు ఈ నెంబరుకు ఎసెమ్మెస్ పంపండి..9848555243.

మండల్ ని ప్రేమిద్దాం..మధుబాలను ఆరాధిద్దాం..

వాటర్ కలర్సుతో తలకు నీళ్ళోసుకొని తడియారబోసుకొని నా ఇన్ బాక్స్ కు వచ్చి చేరింది మధుబాల.నా మది క్వార్టర్ కలర్స్ తో మత్తెక్కింది..అది "సమీర్ మండల్" రంగుల స్విమ్మింగ్ ఫూల్ నుంచి వచ్చిన మర్మైడ్ అని తెలిసి ఢామ్మన్నా.
సరాసరి సమీర్ మండల్ కు మెయిల్ కొట్టా.."మరే ! మీ రంగులంటే అభిమానమండి..మీ బొమ్మలంటే మా ప్రాణమండి..ఓవరాల్ గా మీరంటే బొచ్చెడు ప్రేమాభిమానాలండి..!" అని సారాంశం.
"ఎస్".."ఓకె" అంటూ వచ్చిన పొడి పొడి మెసెజ్ లు చూసి నొచ్చుకున్నా.నాకు ఆ శాస్తి జరగాల్సిందే మరి.
ఆర్టు కొంచెము..ఇగో ఘనము రోజుల్లో సమీర్ బొమ్మలున్న క్యాలెండరునొకదాన్ని చూసి అంజాన్ కొట్టాను..నాకప్పుడు ఆర్ట్ పట్ల అనుభవము అండ్ ఆరాధనా లేకపోవడం అండ్ ఆఫ్ కోర్స్ అజ్నానబాండాగారం దండిగా వున్నందున డోంట్ కేర్ చేశా! రోజులు గడుస్తూంటే తెలుస్తూంది ఆ మజా,ఆ పెప్సీ,ఆ ధమ్సప్...!
సరే.,సొంతసోది కాసేపు పక్కన పెడితే..,
సమీర్ మండల్ బెంగాల్ బల్టీ లో పుట్టి కలకత్తాలో చదివి ముంబైలో ఆర్టు దుకాణం తెరిచాడు..1975లో ఆర్టులో గ్రాడ్యుయేషన్ కంప్లీటూ..పెయింటింగుల్లో చేయాల్సిందంతా చేసేశారు సీనియర్లు..తనకేం మిగల్లేదని బాధ..వాటర్ కలర్స్ అంటే ఎంతో ఇష్టం..ఎం చేసినా దాంతోనే చేయాలనే ఆశ..కానీ వాటర్ కలర్సు ఓ నీచం..ఓ వెలితి..ఓ భారరహితం అని తలంచి రోజులతరబడి తడబడి మధనపడి అగాధమవు జలనిధిలో ఆణిముత్యాన్ని వెతికిపట్టాడు..స్టయిలైజ్డ్ పెయిటింగుకు దారి కనిపెట్టాడు.ఆయిల్ పెయింటింగు ఎఫెక్టు వాటర్ కలర్స్ లో తెచ్చి ఎగ్జిబిషను పెడితే సందర్శకులు నీళ్ళుమింగారట..తోటి ఆర్టిస్టులు నీళ్ళు నమిలారట..ఆ దృశ్యాలుచూసి సమీర్ కళ్ళల్లో ఆనందంతో నీళ్ళుతిరిగాయట...ఆ టెక్చర్,స్ట్రక్చరల్ ఫీచర్స్ టెక్కులు చూసి ఆయిల్ పెయింటింగులేమోనని భ్రమపడ్డారట[కొంపదీసి వాళ్ళావిడ కూడా కూరల్లో ఆయిల్స్ వాడకుండా నీళ్ళుపోసి కూరలు కానిచ్చేయడంలేదుగా ??]
కొన్ని దృశ్యాలు తనిని చలింపచేసాయంటాడు..ఓ కుంటినెమలిని చూసి చలించి చెత్తకుప్పపక్కన ఎంగిలిమెతుకులు వెతుకుతున్న కుంటినెమలిని వేసి "బర్డ్స్ ప్యారడైజ్" అంటూ ఓ సిరీస్ వదిలాడట..అది బంపర్ హిట్టు..ముంబాయి స్టన్న్ డ్..దేశం షాక్ డ్..! సండే అబ్జర్వర్ లోఇలస్ట్రేటర్ గా చేరి పేజీలనిండా పంచరంగులు పరిచాడు.ప్రీతీష్ నంది వ్యాసాలకు ప్రీతిపాత్రమైన బొమ్మలేశాడు.నీళ్ళరంగుల్లో తడిసిన మండల్ మడికట్టుకు కూచోలేదు..అరవై ఏళ్ళు దాటిన వయసులోకూడా డిజిటల్ బొమ్మలేస్తున్నాడు.
నిజంగా నేనే సి.ఎం అయితే "మండాలనికో ఉచిత మండల్ ప్రదర్శన పథకం" ఏర్పాటు చేస్తా..టాంకులు కట్టించి "కుళాయిల ద్వారా వాటర్ కలర్స్ సరఫరా స్కీం" ప్రవేశపెడతా..!
వాటర్ కలర్స్ తో నీ రొమన్సు వివరించమని అడిగితే ఏమంటాడంటే "వాటర్ కలర్స్ తో బొమ్మలేయడం ఓ ఉత్కంటభరితమైన ఆట..ఆ ఆటలో రంగులు నాకు ప్రత్యర్థిగా మారి నాప్రతి బ్రష్షుగీతను ప్రతిఘటిస్తాయి..చివరికి నన్ను ఆ రంగుల్లోనిండా ముంచేస్తాయి !"
"తారెజమీన్ పర్"లో అమీర్ ఖాన్ రూపంలో మీరేసిన "దర్సిల్ సఫారి" పెయింటింగు చూస్తే సింహం మీద సవారీ చేసిన ఫీలింగు కలిగిందండీ అంటూ ఎచ్చులుపోతూ "కార్టూన్ కబుర్లు" లో తనమీద మోహన్ రాసిన ఆర్టికల్ కాయితాల్ని స్కాన్ చేసి పంపి కావాలంటే ఏకంగా పుస్తకమే పంపిస్తానని చెప్పాను..దానికి "డియర్ మృత్యుంజయ్ ! సో నైస్ ఆఫ్ యూ ! నైస్ రీడబుల్ ఇమేజ్[తెలుగు రాదు మరి]ఇదే చాలు..దీన్నిఆల్వేస్ నా దగ్గరే అట్టిపెట్టుకుంటా..అన్నట్టు దయచేసి ఆ బుక్కు నాకు పంపొద్దు..థాంక్స్ ఫర్ లైకింగ్ తారెజమీన్ పర్ వర్క్.".....సమీర్
అని రిప్లే వచ్చింది.ఆ ఇ..మెయిల్ లోని అక్షరానికో లక్ష చొప్పున లెక్కేసి ఈ రోజు కూలీ బాగానే గిట్టుబాటయ్యిందని ఇంటిబాట పట్టాను.

మరో గ్రహం మీద నీటిజాడ తేలేవరకు అక్కడో వాటర్ కలర్ స్పెషలిస్టు ఉద్భవించేవరకు "మండల్"ని ప్రేమిస్తూనేవుందాం...మధుబాలను ఆరాధిస్తూనేవుందాం.

ఆనియనా?అన్నియనా?

ఆనియన్ వుంటే అన్నియునూ అనుకునేవాళ్ళం..అదిప్పుడు "అన్నియన్"[Strange] అయిపోయిందిమరి..!

గడ్డిపువ్వు గడ్డికరిచింది

ఐ అబ్జెక్ట్ యువరానర్ !
పికిలిపిట్టను చూశాం.ఇప్పుడది మ్యూజికల్ నొటేషన్ రొదచేయట్లేదు.ప్రపంచీకరణ పక్కవాయిద్యానికి బోరున ఏడుస్తూ ప్రకృతిని ఖాళీ చేసి పత్తాలేకుండా పోయింది..ఇప్పుడు మిగిలింది ట్విట్టర్ పిట్టే.
మబ్బుల్ని చూశాం..అవి ఏట్లోకి వంగిచూడట్లేదు..టోల్గేటు ఎత్తేసింది..మేఘమధనం అంటూ ప్రాణంతీస్తారాని వసంతమేఘంతో కలిసి పరుగోపరుగు.
గట్టుమీది గడ్డిపూలు మెల్లగా ఊపడానికి వాటికి తలలు లేవు."సెజ్"లు సజ్జాల్లా వలిచి నోట్లో వేసుకొని ఖతం చేశాయి.. గడ్డిపువ్వు గడ్డికరిచింది.the grass blade has cut itself!..కాంక్రీట్ జంగల్ లోని గడ్డపూవు హెల్మెట్ పెట్టుకుంది..దానిపిచ్చిని మేమూ తలకెక్కించుకున్నాం..మేమూ హెల్మెట్ వాడుతున్నాం.
కొండల్ని పరాయిదేశాలకు ఎక్స్ పోర్టు చేసే ఎక్సుపర్టులు పంచభూతాలను పంచామృతాలుగా స్వాహాచేసిన సంసారుల రాజకీయాలు గ్లోబును కమ్ముకోక ఏం చేస్తాయి?
మీరు వర్ణించిన ప్రకృతి సైనవుట్ చేసి చాలారోజులయ్యింది.
నోస్టాల్జియా మాకు రొమాంటిక్ గానే వుంది ఆదిత్యాచానల్లో భాలకృష్ణ,సుహాసిని పాటలు చూసిన ప్రతీసారీ తెలుస్తూనే వుంది.మిలియన్ల జనాన్ని నరికిన మంగోలుల చరిత్ర ఎవడిక్కావాలి?రక్తచరిత్ర పైరేటెడ్ సి.డి లు దొరుకుతుంటేనూ..
డావిన్సీ,మైకెలాంజిలోల గురించి ఆదివారం ఆబిడ్స్ ఫుట్ పాత్ పై తెలుగు అనువాదాలుకొనుక్కొనికూడా చదివిన అనుభవాలులేవు కానీ, గోల్డ్ స్పాట్ తాగుతూ బ్లాగ్ స్పాట్ రాసి జనాలను బరస్ట్ చేయగలం..ప్లేటో,అరిస్టాటిల్,రికార్డో,కార్ల్ మార్క్స్ లను చదవడం కాదుకదా కనీసం వాటిపేర్లు కుదురుగా రాసి పలకలేము..
వ్యవస్థ గురించి తెలియదు,మేము ఎడ్యుకేటెడ్ కాదు,మాకు నాలెడ్జ్ లేదు అయినా కరెప్ట్ అవుతాం....అయినా మా అందానికి రేటుంది.
గొర్రెల్లా,బర్రెల్లా ఈ మందల్లో పడి కొట్టుకుపోతాం..
గుండెకు పట్టిన తుప్పునొదిలించడం సాధ్యంకాదు..ఎందుకంటే ఆ తుప్పు గుండెను ఎప్పుడో వదిలించింది.
కాలంతో పరిగెత్తలేకపోతున్నాం..భవభందాలు ఏ కీలుకాకీలు పట్టుకుపీక్కుతింటున్నాయి..కూపస్థం దాటి రావడానికి ఈ బండబారిన మండూకాలకు సాధ్యంకాదు.
పోయిన దశాబ్ధాన్ని పొమ్మని లాగి తన్నగలము కానీ,ముందుకు నడవలేము..మీరొక్కరే వెళ్ళండి..అది మీకే సాధ్యం.

ఒక రూమీ పద్యం

మణిరత్నం "గురు" సినిమాలో ఏ.ఆర్ రెహమాన్ ట్యూనుకు "మయ్య మయ్య .."అంటూ మల్లికా శరావత్ పెదాలాడించిన గీతానికి ఈ ఇరాన్ అమ్మాయి ఉక్రెయిన్ ఆర్కెస్ట్రా తో పాడిన రూమీ పోయెమ్[మొలానా] ప్రేరణ కావొచ్చని లేదా కాకపోనూవచ్చని నా ప్రగాఢ అనుమానం.

"సాక్షి"లో నేను

బాపు బొమ్మకు 77

పిరుదులు దాటిన జడచివరి కుచ్చులకు జన్మదిన శుభాకాంక్షలు.

తరతరాలతలరాతలతరాలు

మానాయిన రేడియోలో అక్కినేని నాగెస్రావ్ సైన్మా పాటలు వినుకుంటా ఇనాయకుడి బొమ్మనేసాడు..నేను యూట్యూబులో అక్కినేని నాగార్జన డాన్సులు సూస్తా ఇనాయకుడి కార్టూనేసా...నా కొడుకు ఐపాడ్ లో అక్కినేని నాగసైతన్య పాటలు వింటా ఇనాయకుడి బొమ్మ గీసాడు.
అచ్చం మానాయిన ఇందిరాగాంధి బొమ్మనేసినట్టే నేను రాజివు గాంధి కార్టూన్లు గీసినట్టే మావోడు రాహులుగాంధి ఆనిమేసను సేసి సూపెట్టేటట్టుంది ఆడి వాలకం సూస్తుంటే..
సిట్టసివరికి తొట్టతొల్త ఎట్టకేలకు ఇంకోడు తయారయ్యిండు మూడొతరానికి... మా ఇంటిమీద మూడో ప్రమాద సూచిక ఎగురుతోంది.....పైపోటోలో క్యూపద్ధతిల కూసున్న త్రీ జనరేషన్ ఆఫ్ గనేషాస్ సాక్షిగా..
మా నాయిన చనిపోయినంక సరింగ తొమ్మిదినెల్లకు పుట్టిండు మావాడు..అందుకే అంతా జూ.రామ్ లింగం అంటుండ్రు.
వాడు సదివేది దూగ[రొండో తరగతి] అయినా ఆడు కూసుంటె గనపతి లేస్తే గనపతి పనుకుంటె గనపతి..రాత్రికి రాత్రి ఇంటిని గనపతి ఉత్పత్తికేంద్రం చేసిపడేస్తాడాడు.
దూల్ పేటకు సీజనుందేమోగానీ,ఈడికి మాత్రం లె.
ఆడిప్పుడు మాస్కుతీసిన ఫాంటమ్ లెక్కన,శ్రీవిద్య స్కూలు డ్రెస్సేసుకున్న సూపరుమ్యాను లెక్కనా,కురుకురె కరకర నమిల్తూ డోరెమాన్ చూసే స్పైడరు మ్యాన్ లెక్కన, మఫ్టీలో వున్న మిస్టరు బిన్ లెక్కన కనబడ్తడు...
మనపిచ్చిగానీ,కలెక్టర్ మనవడు కండక్టర్ అవుతాడా..కాంట్రాక్టర్ మనవడు ట్రాక్టర్ తోలుతాడా..తాత ఫాక్షనిస్టయితే మనవడు పత్తిత్తవుతాడా ఎక్కడన్నా?

"ఈజిట్ ఇన్ హెరిడటరీ ఫాక్టర్?" అన్న అంశం మీద యాడ్లులేని దినపత్రికలపుటల్లో పుంఖాను పుంఖాల సచిత్ర వ్యాసాలు రావాలి. ఇరవైనాలుగ్గంటల నూసు చానల్లల్లో బ్రేకుల్లేని చర్చ జరగాలి ఒకేళ జరగకుంటే ఎందుకు జరుగుతలేవ్ అన్న అంశం మీద చర్చ జరగాలి...!

ఒక ట్రయాంగిల్ లవ్ స్టోరీ

ఆ మధ్య హిందూ కార్టూనిస్టు సురేంద్ర గారితో కీపిన్ టచ్చులో వుండగా ధన్ మని ధర్మవరపు సుబ్రహ్మణ్యం గారు దర్శనమయ్యారు.
మా ముగ్గురిమధ్య ముక్కోణపు ప్రేమ ముగిశాక ఎఫెక్ట్ కోసం నేను గీసిన క్యారికేచర్ మీరు అతిత్వరలో అందుకోబోతున్నారనే సరికి తన బుగ్గసొట్టలు నవ్వినట్టనిపించింది.
ఇంకా గడ్డం కుంచించవచ్చు..నోసు నొక్కవచ్చు..మీసాలు లాగవచ్చు..దవడలు పీకనూవచ్చు..కానీ.,
గౌరవంతో కూడిన సిగ్గువల్ల ఏర్పడ్డ భయం వల్ల ఇంతకన్నాఎక్కువ లాగలేకపోయా మరి..!

మిణుగురులు మెరిసాయి

సండే చలంతో కలిసి వందపేజీల మైదానంలో నడిచేసరికి అర్థరాత్రయ్యింది..
నక్క కూసింది..నక్షత్రం రాలింది..మిణుగురులు మెరిసాయి...!

మిషెల్లె ఒబామా క్యారికేచర్ గారు

పదునాలుగు నిమిషాల అరవైరెండు సెకండ్ల నా వామప్ స్కెచ్చిది.

శ్రీదేవి తో రామ్ గోపాల్ వర్మ డాన్స్

పాండుకు నా అలయ్.. బలయ్ !!

ప్రతి దసరాకు పాండునుంచి వచ్చే దసరా విషెస్ ఎసెమ్మెస్ ఈసారి రాలేదు.పాండు లేడు..
నీది సూపరు లైను గురూ,ఆ అడ్డమైన సాప్టువేర్లో నీ హార్డువర్కేంటి గురూ..నీ మొహం..నీ శ్రాద్ధం..నీ పిండాకుడు..అన్న నిందాస్థుతులు ఇక లేవు..మా నాయిన బొమ్మ గీసిస్తానన్న పాండు లేడు.దసరాకు మూడురోజులముందు ఆర్టిస్టు,కార్టూనిస్టు పాండు చనిపోయాడు.44 ఏళ్ళకే వెళ్ళిపోయాడు.దసరాకు అంతా సొంతూరుకు ట్రావెల్సులో వెళుతుంటే,పాండు అంబులెన్సులో వెళతాడని కలలోకూడా అనుకోలేదు

1997 వార్తపేపరులో అకాలనిద్రనుంచి మేల్కొన్న దేవెగౌడ కాంగ్రెస్ ఫ్రంట్ గవర్న్మెంటును బాణం వేసి కూల్చేస్తాడు పైగా "ఇది వెన్నుపోటుకాదు,ఫ్రంట్ పోటే" అంటాడు నిద్రకళ్ళతో.షార్ప్ బ్రష్షు స్ట్రోకు,జబర్దస్తీ కంపోజిషను,లెక్కతో గీసిన బార్డరు హెచ్చింగ్స్..కార్టూను కింద పాండు అన్న సంతకం..జలక్ మంది నాకు..మోహన్ గీతతో చాచి కొట్టిన వీడు ఎవడబ్బా అని ఆరా తీసా ..రెడ్ హిల్స్ మెడ్ ఆర్సీ పక్కరూము గొళ్లెం తీసా..నవ్వుతూ పాండు..ఓ కౌగిలింత విత్ ఇస్మైల్ ఫ్లేవర్..ఇక వన్ బై టూ చాయ్ లు..షేరింగు ఆటోలు..కొండొకచో కోఠి బస్సులు..మోహన్ లైను పట్టుకొని ఖరారు చేసుకొనే పరుగుపందెంలో పాండు స్పీడు ఆశ్చర్యం.. మోహన్ గీతలేకాదు,ఆ గీతల్ని గీసే చేతివేళ్ళ కదలికలనుకూడా కాపీ చేసేవాడు పాండు..సిగరెట్ పీల్చి పొగొదులుతూ మీసపు అంచుల్ని కొనగోట మీటుతూ ప్యాంటును పైకిలాగుతూ అచ్చం మోహన్ మినియేచర్ లా కనిపించేవాడు..పెన్సిల్ ను మొనకు దూరంగాపట్టుకొని రపారప్ గీతలుగీసే పాండు స్టైల్ నాకిష్టం.
మా దోస్తానా అలా అలా ట్యాంకుబండు పాన్ డబ్బాపక్కసందునుంచి,పంజాగుట్టా కేఫ్ ల గుండా చిక్కడపల్లి బడ్డికొట్టు మీదినుంచి విద్యానగర్ సందుతిరిగి రామంతాపూర్ గల్లీ లో ఆగింది..
జ్నానవైరాగ్యసిద్ధర్ద్యం బాగ్ లింగం పల్లిలో మా అడ్డా కేఫ్ లో నేను కలిస్తే సిగరెట్ కో శ్లోకం,వక్కపొడికో పద్యం,ఛాయ్ కో చంపకమాలతో పాండు నన్ను అలరించాడు,నేను అభిమానించాను..నేను దుఖం పంచితే సంతోషం ఇచ్చాడు..తాదాత్మ్యతచెందే ఆధ్యాత్మిక విషయాలు భోధించాడు..ఛెగువేరా,శంకరాచార్యుల తత్వాలు..అష్టాదశపురాణాలు,అష్టకాలు,బాగవతాల సిన్మాలు విత్ ఓషో,రెంబ్రెంట్ల న్యూస్ రీల్సు..గంజాయి దమ్ము బిగించికొట్టిన కమ్మటి మత్తు..రిలీఫ్ మస్తు..ఇప్పటికీ చిక్కడపల్లి టర్నింగు పాయింట్లో పాండు బరనబబరవలు,నజబజజజరాలు,మసజసతతగాలు....కృతులు ..కీర్తనలు..
వినకుండా వినుకొండ నుంచి వచ్చి దినపత్రికలో కార్టూనిస్టు ఉజ్జోగం వెలగబెట్టినపాపానికి నాలుగునెల్లకో నెలజీతం తీసుకొని ఆకలిపేగులు అరగక లోయరుటాంకుబండు బండలకింద నలిగిపోతూ "టౌనుపక్కకెళ్ళొద్దురో డింగరీ ఢాంభికాలు పోవొద్దురో.. " అంటూ పాడిన పాట ఇంకా గుర్తు.
జయలలిత వాజ్ పేయి దవడలు వాచిపోయేలా సతాయించి చంపుకుతింటున్న హయాంలో.."మీరజాలగలడా నా యానతి వ్రతవిధానమహిమన్ సత్యాపతి.."అంటూ జయలలిత లేని జడను ఊపుతూ గీసిన కార్టూను ఎట్లామరిచిపోతామబ్బా ??
రోడ్డుపక్క కూలిన గోడలమధ్య ఓ వెంకాయమ్మ తన పెనిమిటితో.. పెద్దాడు సాప్టువేరు అంటుంది..లాంగ్ షాట్లో ఆ పెద్దాడు చాయ్ చాయ్ అని అరుస్తావుంటాడు..
చిన్నాడు హర్డ్ వేరు అంటుంది..క్లోజప్ లో ఆ చిన్నాడు కాల్చిన ఇనుముకడ్డీలను సుత్తితో హర్డుగా కొడుతుంటాడు.. పాథటిక్ పొలిటికల్ హ్యూమరు.పాండు గీసిన కార్టూను.
బ్రహ్మకడిగినపాదము బ్రహ్మముతానెనిపాదమూ..అంటూ హమ్ చేస్తూ 6x4 అడుగుల అద్దెగదిలో 12x8 అడుగుల నిలువెత్తు వెంకటేశ్వరస్వామిని పెయింట్ చేస్తున్న పాండును చూసా..ఏడుకొండలూ దిగి వయా వినుకొండనుంచి విద్యానగర్ కు వచ్చిన శ్రీ వేంకటాచలపతినీ చూసా.ప్రతిలేని గోపురప్రభలు గంటి..శతకోటి సూర్యతేజములు వెలుగగ గంటి..హరిగంటి..గురుగంటి..
ఒక చెంప సెల్ షీట్ల కట్టలమీద తాండవకృష్ణుడి కాళీయమర్ధనం..కళ్ళకింపైన ఆక్రిలిక్ లో భజగోవిందం,అశోకశోకం,స్వరార్చన,గోపికావస్త్రాపహరణం,పారిజాతం,గోపాలచూడామణి,గరుడవాహనం ఇత్యాది పెయింటింగులు..

నిజానికి పాండు మరణించలేదు ప్రశాంతంగా పడుకున్నాడు..
"గురూ నేను చాలాప్రశాంతంగా వున్నాగురూ..శివసాయుజ్యం పొందానుగురూ..తుఛ్ఛమైన ఏహ్యమైన భవబందాలను వీడి విష్ణువులో ఐక్యమయ్యి విముక్తుడినయ్యాను గురూ...నేను స్థితప్రజ్ఞుడిని గురూ !" అంటున్నాడు.."మీరు బొమ్మలేసి చావండ్రా..గీసి చంపకండ్రా..!" అంటూ "గీతో"పదేశం కూడా చేస్తున్నాడు.

దండిగా ధనం సమకూర్చి తోటికళాకారులు పాండు పెయింటింగులు,కార్టూనులతో ఓ అందమైన పుస్తకం అచ్చువేయిస్తే ఎంత బాగుణ్ణు..లేదంటే యాచన,దొంగతనం,కిడ్నాప్,నకిలీ కరెన్సీముద్రణ,డిటోనేటర్, హాకింగ్,హైజాకింగ్ లాంటి అత్యాధునిక పద్ధతులద్వారా డబ్బు సంపాయించి ఆ పుస్తకమేదో నాకే తీసుకురావాలనుంది..అందులో ఒక పుస్తకం దాచుకో నీ పాదాలకు తగ నే జేసిన పూజలివి...అంటూ తిరుపతి వేంకటేశుడి హుండీకి సమర్పించాలనుంది.

నా బడాదోస్తు పాండుకు నా దసరా అలయ్...బలయ్!
[పాండు గీసి నాకు పంపిన ఇరవైతొమ్మిది పెయింటింగుల్లోంచి తన ఇష్టదైవమైన శ్రీమహావిష్ణువు చిత్తరువును ఇక్కడ పోస్టు చేస్తున్నా]
పాండు పెయింటింగిలకోసం ఈ లింకు నొక్కండి..

నా స్ట్రోకులో "నాగభైరవం"

నాగభైరవ కోటేశ్వరరావు పద్యకావ్యాలు,సాహితీ రూపకం కోసరమని..దినాం మొత్తం పెయింట్ చేస్తా చేస్తా వుంటే గానీ నాగభైరవ గారు ప్రసన్నం కాలేదు..చౌదరిగారు ఫోన్జేసి "అబ్భ మా నాన్నగారికి మళ్ళి ప్రాణం పోసి నా ముందుంచారండి మృత్యుంజయ్ గారూ !" అన్నారు కాదు.