పుస్తకాలదినం

పుస్తకాలరోజున పుస్తకాలకు దినం పెట్టేయాలి.. ఇంట్లో పేరుకుపోయిన నానా చెత్త పుస్తకాలను అడ్డికిపావుషేరు లెక్కన బజార్లో అమ్మేసి వచ్చిన డబ్బులను కేబులోడికి కట్టి టి.వీ ఆన్ చేస్తే వచ్చే బోసినవ్వుల బుజ్జాయిల బుడిబుడి పలుకుల "నీ పుంజూ నా పెట్టను ముద్దాడుకోనీ..కొక్కొకో క్కో కొక్కోక్కో......" పాటల తాదాత్మ్యతను తరిస్తూజయజయద్వానాలతో మార్కులేస్తూ కళ్ళనుంచి ధారాళంగా కారే ఆనందబాష్పాలను కొన నాలుకతో చప్పరిస్తూ "పాఠాలు వద్దు,పాటలే ముద్దు.." అంటూ బాలగానగంధర్వుల జబ్బలు చరిచే జడ్జీల ద్రుశ్యాలను ఈరోజు చూసి తరించాలనుంది..!
[టాప్ సీక్రెట్:చెక్కుబుక్కుకు మించిన బుక్కు మరోటి లేదు, వేరే బుక్కులు సేకరించి అనోసరంగా బుక్కయిపోకండి.]